-- ADVERTISEMENT --
Ginmandu ni Senate President Migz Zubiri ro total lockdown sa Senate building sa Lunes, Aug. 22 matapos nga umabot eon sa pitong mga senador ro sunod-sunod nga nagpositibo sa COVID-19 makarong buean.
Bangud kara, tanan nga mga Senate employees hay temporaryo anay sa andang “work from home” para mapatigayon ro disinfection.
Uman nga magabalik ro sesyon it mga senador sa Agosto. 23, adlaw it Martes.
Sa makaron, ginapatigayon ro mas hugot nga pag-obserba it health protocols sa Senado bangud sa nasambit nga outbreak matapos nga magkasunod nga tinamaan it virus ro pitong mga senador umpisa nga magbukas ro 19th Congress ko buean it Hulyo.
