Ginklaru it Senate Impeachment Court nga indi pwedeng piliton si Vice President Sara Duterte nga mag-atubang sa pagbista kontra kana.
Ginpaathag it tagapaghambae it impeachment court nga si Atty. Reginald Tongol, eabag sa right against self incrimination kun pagapiliton ro bise presidente nga personal nga paatubangon sa impeachment trial.
Mag-eowas kara, owa man it pagkinahangean para paatubangon ro bise presidente bangud nga bastante eon nga iga-representar imaw it anang mga abogado.
Madumduman nga ginpaburan it impeachment court ro argumento it depensa matapos nga hinyuon it panel of prosecutors nga tig sambilog nga basahon ro ap-at nga articles of impeachment kontra kay VP Sara kun sa siin kinahangean nga mag-atubang imaw ag personal nga magsabat.
