Gin-engganyo ni Senator-elect Joseph Victor “JV” Ejercito ro Philippine Health Insurance Corporation (PhilHealth) nga ipaiway anay ro nakataeana nga pagtaas it premium makaron nga buean.
Ginpahayag kara nga anumang scheduled premium hike hay magiging insensitive sa kahimtangan it mga Pilipinong padayun nga nabudlayan bangud sa epekto it Covid-19 pandemic.
Dapat eamang suno kana nga ipatuman ro premium hikes kung eubusan eon nga makabangon ro ekonomiya it nasyon.
Nauna eon nga ginpasaka it PhilHealth ro premium rates sa ap-at nga porsyento makaron nga dag-on para dugangan ro pondo para sa nagkaeain-eain nga serbisyong medikal ag pasilidad nga ginmandu sa idaeom it Universal Healthcare Law.
Apang, ro nasambit nga tikang hay magaresulta sa mas mataas nga kaltas sa mga suweldo it mga empleyado sa mga masunod nga buean.
Bilang temporaryong alternatibo sa pagtaas it premium, ginpahayag ni Ejercito nga posibleng maghinyu ro Department of Health (DOH) it supplemental funding para sa pagpatuman it nasambit nga proposisyon.
