Ginbasura ni Pangueong Rodrigo Duterte sa pamaagi it pag-veto ro SIM Card Registration Act.
Ginpahayag ni Acting Presidential Spokesman Martin Andanar, kaibahan sa naging rason ni Pangueong Duterte sa pag-veto ro pag-eakip sa consolidated Senate Bill No. 2395/House Bill No. 5793 ro mga social media providers sa registration requirement nga owa naging kaparte sa orihinal nga bersyon ag ginakinahang-ean pa it mas maidid nga pagtuon.
Suno kay Sec. Andanar, nakita man ni Pangueong Duterte nga ro pilang aspeto it state intrusion ukon regulasyon sa SIM cards registration hay bukon it klaro nga natalakay sa enrolled bill partikular sa social media registration.
Apisar nga ginakilaea sigon ni Pangueong Duterte ro efforts it Kongreso sa pag-usoy it solusyon sa nagatinaas nga kaso it cybercrimes ag information and communications technology (ICT)-related offenses, bukon imaw it pabor sa pag-eakip sa social media sa nasambit nga proposisyong laye nga owa it nakabaehag nga klarong depinisyon ag guidelines nga posibleng maka-eabag sa Constitutional rights it mga pumueoyo.
