BALITA Espesyal– Nakibot ro Hollywood pop singer nga si Pink matapos imaw nga dawatan it abo it patay samtang nga naga-concert sa London!
Samtang gina perform ni Pink ro kantang “Just Like A Pill”, may sangka fan nga naghaboy it maisot nga puting plastic bag sa stage.
Temporaryong ginpundo ni Pink ro pagkanta ag ginpueot ro puti nga plastic bag.
Gin inspection nana ag kat mataeupangdan nana nga raya hay medyu cremated ashes, insigida nana nga ginpangutana ro fan it “Is this your mom?”
Kat ginkumpirma it fan nga cremated ashes raya it anang ina, indi makapati ro singer ag naghambae eon lang raya it “I don’t know how I feel about this.”
Temporaryong ginbuytan ni Pink ro plastic bag ag gin-aywan man nana raya sa prente it stage ag ginpadayun ro pagkanta.
Gin post ni Pink sa anang Instagram ro mga video it anang concert sa London ag mabasa sa caption kara nga nagapasaeamat imaw sa mga fans.
Apang owa nana gin eakip ro viral footage kun sa siin imaw gin regaluhan it abo it patay.
Maabu nga netizens ro nagbatikos sa fan nga nagtau it abo it patay.
Para kanda nga raya hay sangka kabastusan ag owa dapat nga gina obra sa sangka concert.
Bukon it raya ro unang beses ko nagtaliwan nga mga domingo kun sa siin ginabastos ro mga Hollywood singers samtang sa andang concert.
Ko nagtaliwan nga domingo, ginsampae si Ava Max it sangka audience sa anang concert ag ko nagtaliwan nga buean, ginhaboy it cell phone si Bebe Rexha it sangka fan samtang nga nagakanta.
