Naglista ro South Korea it pinakamataas nga temperatura sa kasaysayan matapos umabot sa masobra sa 41 degrees Celsius ro init tuga it grabeng heatwave.
Suno sa Korea Meteorological Administration (KMA), naeampasan kara ro dating national record nga 41.0 degrees Celsius nga nailista ko 2018.
Tatlong magkasunod nga adlaw nga nag-eampas sa 40 degrees Celsius ro temperatura sa Yangsan bangud sa grabeng heatwave nga naeksperyensiyahan sa mabahoe nga parte it nasyon.
Bangud kara, ginpasaka eon it KMA ro pinakamataas nga lebel it heatwave warning sa pilang lugar sa South Gyeongsang Province, samtang nagapabilin man ro mga paandam sa bilog nga nasyon.
Nasayuran nga ro grabeng init hay tuga it pagdungan it North Pacific High ag Tibetan High pressure systems, nga nagakulong sa mainit nga hangin ag nagapugong sa pagbilog it mga clouds ukon daea-ura.
Samtang, padayun man nga ginabantayan it mga awtoridad ro Typhoon Dolphin, nga posibleng maka-apekto sa daeagan it paniempo sa Korean Peninsula sa masunod nga domingo maskin nga owa pa it kasiguraduhan kon mabawasan kara ro naeksperyensiyhahan nga grabeng init sa nasyon.
