Nagpaandam si South Korean President Lee Jae Myung nga posibleng magpatigayon it dugang nga tikang ro Seoul kontra sa Ukraine kun indi kara pagakilaeahon ro gina-alegar nga confidentiality agreement sa pagsaylo it daywang bihag nga soldadong North Korean ag indi magpangayo it pasaylo.
Suno kay Lee, ginakasubo man it South Korea ro mga pahayag it Ukraine nga may nakataeana sigon nga bakbakan sa tunga it North ag South Korea, nga suno kana hay pwedeng magpa-grabe it tensyon sa Korean Peninsula.
Nag-umpisa ro diplomatic dispute matapos ipahayag ni Ukrainian President Volodymyr Zelenskiy sa United Nations General Assembly nga ginsaylo sa South Korea ro daywang North Korean prisoners of war nga nadakpan samtang nakikipag-away para sa Russia.
Ginpamilit man it Ukraine nga owa it kasugtanan nga nagabawae sa pagbulgar it nasambit nga pagsaylo.
