SOUTH KOREA – Ro sangka robot nga himo sa South Korean cosmetics giant AmorePacific hay kaya nga mag-analisa it panit it nagagamit ag maghimo it produkto nga himo sa kung ano ro andang kinahangean on the spot.
Sa capital it South Korea nga Seoul, ro AI-powered makeup manufacturer hay ginascan ro panit gamit ro datos nga habueo sa 78 years history it kompanya suno sa AmorePacific.
Ro robot rayon hay magarekomenda it produkto halin sa range it una sa 205 nga eain-eain nga skin foundation shades ag 366 eain-eain nga kulay it lip products.
Sa kinaandan, rocosmetics hay ginapili paagi sa brand recognition, packaging, reviews, ag store staff recommendations.
Apang ruyon hay nagatanyag eamang it limitado ag masami nga indi maabot ro kinahangean it indibidwal ukon anang skin condition.
Sa makaron, ro merkado bangud sa paggamit it AI sa beauty and cosmetics industries hay ginapahayag nga nagdoble – halin sa $3.2 billion ku 2023 paadto sa $8.1 billion sa 2028.
Ruyon hay base sa pag-analisa it Business Research Company.
Raya hay ginakabig nga pagpaeapad it serbisyo eakip ro personalized beauty recommendations, virtual makeup artists ag skin analysis ag diagnostics.
