Gina-usisa eon it Department of Foreign Affairs (DFA) ro mga report nga pilang Pilipino ro gina-alegar nga na-recruit agud nga magsueod sa militar it Russia sa tunga it nagapadayun nga giyera kara kontra sa Ukraine.
Suno sa DFA, padayun nga ginaberipika it mga taeatapan kara sa ibang nasyon ro impormasyon ag nakikipag-angot sa mga natungdan nga awtoridad. Owa pa nakumpirma it ahensya ro ensaktong numero it mga Pilipinong eakot, sa pihak it mga report nga 14 nga Pilipino ro naeakot sa Russian military.
Nauna eon nga napabalita it sangka international security expert nga indi maganaba sa 14 nga Pilipino ro gina-alegar nga na-recruit sa Russian military, kaibahan ro sangka napabalitang namatay ag sambilog pang ginasugid nga bihag sa Ukraine.
Ginpaandaman it DFA ro mga Pilipino nga mag-dahan sa mga ginatanyag nga trabaho sa ibang nasyon ag siguraduhon nga lehitimo ro recruiter ag employer, eabi eon kon may posibilidad nga mauli raya sa recruitment sa dumueuong nga armadong puwersa.
