“Speak Now” album ni Taylor Swift ginpagguwa eon

ENTERTAINMENT News– Ginpagguwa eon ni Taylor Swift ro bag-ong re-recording it anang 2010 album nga “Speak Now.”

Owa nalikawan it American pop star nga maging sentimental kat i-post sa anang Instagram account ro bag-ong version it album.

Ginpahayag ni Swift, nagaisaeahanon nana nga ginsueat ro album kato nga puno it pantasya, sakit sa tagipusuon, drama ag iba pa.

Kaibahan sa “Speak Now” album ro mga kantang “Electric Touch” kung siin feature si Fall Out Boy ag “Castles Crumbling” kung siin feature si Hayley Williams.

Kaibahan man sa album ro iconic hits nga “Enchanted,” “Back to December,” ag “Mine.”