Nakataeana nga pagahiwaton ro state funeral para kay nagtaliwan ng Queen Elizabeth II sa Setyembre 19 nga pagahiwaton man sa Westminster Abbey sa London, pasado alas-11:00 it agahon, oras sa United Kingdom.
Sandig raya sa naging anunsyo it Buckingham Palace kasunod it pagkumpirma nga pagadaehon sa St. George’s Chapel sa Windsor Castle ro mga bangkay it nagtaliwan nga reyna para sa sangka committal service.
Apang antes raya hay igabiyahe ro eawas kara maghalin sa remote estate paagto sa Palace of Holyroodhouse sa Edinburgh ag umpisa idto hay pagadaehon man raya sa St. Giles’ Catheral kung siin imaw hay magatinir hasta sa sa Martes, September 13.
Samtang, ro kabaong man it reyna hay ginapalibutan it Royal Standard para sa Scotlan ag wreath of flowers sa ibabaw.
