Ginatun-an eon it malakanyang ro panawagan nga magdeklara it state of emergency sa atubang it padayun nga pagtaas sa presyo it mga produktong petrolyo.
Mag-eowas kara, ginatun-an eon man sigon it palasyo ro panawagan kay pangueong rodrigo duterte nga magpatawag it special session it kongreso para sa suspensyon it excise tax sa petrolyo.
Indi pa sigon masiguro kon pagapaboran it pangueo ro deklarasyon it economic emergency apang kat kaistorya sigon it pangueo ro pila sa anang gabinite hay ginapa-estudhyuhan nana ro nasambit nga isyu.
Nauna eon nga ginaduso it senado ro pagsuspinde sa buwis sa petrolyo, apang naga-aeang-aeang ro mga economic managers bangud nga may projection eon sanda sa buwis nga pagakitaon it gobyerno makaron nga dag-on.
Ginmandu ni pangueong Duterte sa nagkaeain-eain nga ahensiya it gobyerno nga tun-an kon paalin nga masabat ro nagataas nga presyo it produktong petrolyo tuga it giyera sa tunga it russia ag Ukraine.
