Ginpaathag it Sugar Regulatory Administration (SRA) nga owa namaximized ro implementasyon it Republic Act 10659 ukon ro Sugarcane Industry Development Act (SIDA) bangud sa ginbuhinan ro pondo para kara.
Ginpahayag ni dating SRA chief Hermenegildo Serafica sa Senate Blue Ribbon Committee hearing kahapon adlaw it Martes nga pirme sigon nga ginabuhinan it Kongreso ro SIDA budget bangud sa underspending it SRA.
Maghalin sigon sa mandated nga P2 billion budget ro gintugyan eamang sigon sa SRA ko nagtaliwan nga dag-ong 2021 ag 2022 hay kapin sa P712 million.
Para sa dag-ong 2023, gin-rekomenda it Department of Budget and Management (DBM) ro P1 billion para sa sugar industry regulator bangud nakitaan it DBM it progreso sa paggamit it SRA sa nasambit nga pondo.
Madumduman nga napasa bilang laye ro RA 10659 ko nagtaliwan nga 2015 para pabaskugon ro sugarcane ag asukar ag mapataas ro income it mga mangunguma kung siin ginpasugtan ro alokasyon it P2 billion kada dag-on.
Sa pihak nga parte, umpisa sa nasambit nga dag-onang pondo, ro P1 billion hay dapat nga itaeana para sa infrastructure para sa farm to mill roads, P300 million para sa credit, P100 million para sa scholarships, P300 million para sa block farms it agararian reform beneficiaries ag P300 million para man sa shared facilities program.
