Sunog nga nag-eontad sa stock room sa sueod it Magsaysay park, insigidang natapna

Insigidang narespondehan it fire fighter personnel maghalin sa Bureau of Fire Protection ukon BFP Kalibo ro nagtuhaw nga sunog sa sueod mismo it Magsaysay Park sa banwa it Kalibo bandang alas-8:30 it gabie.

Gilayon nga natapna ro kaeayo ag uwa eon nagbahoe pa nga naghalin mismo sa sangka stock room maeapit sa taeatapan it barangay affairs.

Una kara, una mismo sa lugar si Kalibo mayor Juris Sucro nga nagahampang it volleyball rason nga nataeopangdan ro nagakasunog nga stock room ag madasig nga narespondehan it mga bomber.

Ro insidente hay padayon pang ginaimbestigahn agud nga matumod kon anu ro gintunaan it kaeayo.