Patay ro 21-anyos nga suspek sa pag-arado it anang minivan sa mga tawo maeapit sa Christopher Street Day Pride celebration sa Berlin matapos mabaril sa ginpatigayon nga operasyon it kapulisan ko Domingo nga adlaw.
Suno sa mga awtoridad, sangka katawo ro namatay samtang 29 nga iba pa ro naninahan sa insidente nga natabu ko Sabado it gabi-i sa Tiergarten Park, maeapit sa Brandenburg Gate.
Nausoy it mga pulis ro suspek sa sangka allotment garden complex sa Spandau district, kun sa siin, umatake sigon raya sa mga awtoridad samtang armado it kutsilyo rason nga ginpa-eukpan.
Ginkilaea ro suspek nga si Abdul B., sangka German citizen nga may Lebanese heritage. Suno sa Interior Ministry, dati eon raya nga gina-angot sa mga kasong kriminal, radicalization ag koneksiyon sa Islamist scene.
Samtang, uman nga nag-init ro isyu sa seguridad ag immigration sa Germany kasunod it insidente.
Kadungan kara, nagpanawagan si Chancellor Friedrich Merz nga depensahan ro kahilwayan, pagiging bukas ag liberal nga pagtau it importansiya sa nasyon.
