Nagpaguwa it rekomendasyon ro Public Health Agency of Sweden nga indi taw-an it kaugalingon nga smartphone ro mga inungang uwa pa it 13 anyos bangud sa mga kakabit nga peligro sa ikamayad nga eawas ag binatasan.
Tuyo it tikang nga mabawasan ro exposure it mga unga sa maeain nga content, malikawan ro problema sa tueog, ag mapunggan ro posibleng pag-develop it sobra nga paggamit ukon dependency sa gadgets.
Base sa pag-usisa, ro paggamit it smartphone hay angot it distraksyon, social pressure, pagka-expose sa bukon insakto nga content, ag mas mahinang kalidad it tueog.
Imbes nga smartphone, ginrekomenda ro simpleng cellphone nga uwa it internet access para sa komunikasyon it mga unga kun kinahangean.
Parte raya it mas maeawig nga pag-usisa it Sweden sa epekto it screen time sa kabataan, kadungan it mga polisiya kapareho it pagpahugot sa paggamit it smartphones sa mga eskwelahan ag padumdom sa mga ginikanan nga limitahan ro kaugalingon nga gadget use sa oras nga kaibahan ro mga unga.
