Pormal eon nga nagtapos ro tatlong adlaw nga rally it Iglesia ni Cristo (INC) nga ginpatigayon bilang suporta kay Senador Rodante Marcoleta, nga nagapangatubang sa hana nga kasong plunder angot it uwa sigon pagdeklara it ₱75 milyong campaign contributions.
Ginpatigayon ro unang daywang adlaw it pagtililipon sa People Power Monument sa Quezon City, samtang gin-saylo ro ulihing adlaw sa Liwasang Bonifacio sa Maynila matapos bawion it lokal nga gobyerno it Quezon City ro permit para sa nasambit nga lugar.
Gintambungan ro rally it pilang personalidad nga nagpahayag it suporta kay Marcoleta ag nagpamaeabag sa anomaliya sigon sa presenteng administrasyon.
Nauna eon man nga nagpanawagan ro Malacañang sa taeatapan it INC nga siguraduhong indi magamit ro pagtililipon sa anumang paghana nga guluhon ro gobyerno.
