Aminado ag haom nga atubangon it tatlong ka mga pamatan-on ro penalidad nga igaimponer kanda it lokal nga gobyerno matapos makumpirma nga sanda ro responsable sa bandalismo sa may veterans avenue sa banwa it Kalibo.
Suno kay Kagawad Kim Melgarejo it Poblacion, Kalibo nga sambilog sa tatlo hay sangka 25-anyos ag residente man it nasambit nga banwa kon siin nasayuran nga may mental illness raya ag napatawag eon man it nagtaliwan nga administrasyon bangud nga imbolbado imaw kato sa series of vandalism.
Samtang, ro daywang iba pa hay sangka 23 nga residente it banwa it Banga kamana man sangka 18 anyos ag mga estudyante.
Ginpahayag dugang ni kagawad Melgarejo nga makit-an ro kaakig sa awra ni mayor Juris Sucro apang una gihapon ro kaeooy kana kon siin mismong ro mga ginikanan eon it mga pamatan-on ro nagpromisa nga kon anu man ro penalidad sa mga raya hay anda nga pagaatubadngon.
Posibleng pagapapinturahan kanda it uman ro comfort room nga andang ginhalitan gamit ro spray paint.
Madumduman nga sa bulig it cctv footage ag sa mismong gumankon ni kagawad Melgarejo hay natumod ro may kahimuon sa nasambit nga bandalismo
