Tatlong mga indibidwal nga may kahimuan sa pagbandalismo sa mga pader sa banwa it Kalibo, ginpatawag ni Kalibo Mayor Juris Sucro

Nakataeana makaron nga adlaw nga magapangatubang kay Kalibo Mayor Juris Sucro ro tatlong mga indibidwal nga may kahimuan sa pagbandalismo sa mga pader sa may bahin it Veterans Avenue ag D Maagma St. Sa banwa it Kalibo.

Sandig sa imbestigasyon nga ginpatigayon it Kalibo PNP ag Kalibo Council natumod eon ro mga indibidwal nga imbulbado sa nasambit nga vandalism.

Raya hay sa bulig man it naboue nga footage sa pilang ka mga CCTV ag kumpirmasyon sa pilang ka mga residente sa nasambit nga lugar.

Sa makaron, nakadepende pa sa maging resulta it pagpatawag kanda sa opisina it Aklade ro disposisyon nga andang pagapangatubangon