Temporaryo nga naapektuhan ro pamatin-an it sangka 18-anyos nga eaeaki sa China matapos ma-expose it masobra sa ap-at nga oras sa mabaskog nga huni it ginatos nga mga cicada ukon kuliglig samtang naga-camping sa Ningbo, Zhejiang.
Naka-eksperyensiya imaw it tinnitus ukon pag-ugong sa dueunggan ag kabudlay nga makabati matapos nga magkalma ro sangag.
Nasayuran nga naghaeok ro parte it anang dueunggan nga may kaangtanan sa pagpamati ag nagmayad raya matapos uminom it bueong ag naglikaw sa mga mabaskog nga sangag sa sueod it daywang domingo.
Suno sa doktor, posibleng makahalit sa paeamatin-an ro mabuhay nga exposure sa mabaskog nga tunog, maskin nga halin sa kalikasan.
Kon eubusan nga masamad ro hair cells sa cochlea, pwede raya nga magtuga it permanente ag indi eon maibabalik nga pagkaduea it paeamatin-an.
