Posibleng bawasan it prosekusyon ro numero it mga testigong iga-presenta sa impeachment trial ni Vice President Sara Duterte kun bastante eon ro mga ebidensyang mapakita para pamatud-an ro mga artikulo it impeachment.
Suno sa House prosecution panel, tuyo kara nga mapadasog ro pagbista ag malikawan ro uwa ginakinahangean nga pagbista.
Sa Article I nga may kaangtanan sa saea sigon nga paggamit it confidential funds it Office of the Vice President ag Department of Education, nakapahaom ro 13 testigo apang posibleng indi eon i-presenta ro tanan kun magiging bastante ro testimonya it pila kanda.
Sa masunod nga dominggo, ginaeaumang iga-presenta sa Senado ro mga state auditor nga nag-usisa sa paggamit it P612.5 milyong confidential funds it OVP ag DepEd ku 2022 ag 2023.
