Sambilog ro pamilya Quimpo nga may musuleo sa Kalibo Medalla Milagrosa Cemetery kon siin kada dag-on hay uwa gid nanda ginakalipatan nga bisitahan ro panchon it andang pamilya.
Suno kay dating sangguniang panlalawigan Lilian Quimpo-Tirol, sa nasambit nga musuleo hay nakaeobong ro andang mga ginikanan ag igmanghod nga ginakaeakipan ni dating Congressman Atty. Allen Quimpo, sambilog man sa mga sikat nga pulitiko sa Aklan.
Ginpahayag dugang nga raya man ro tyempo agud nga bisitahon ro andang eobnganan.
Tradisyon eon sigon it kada Pilipino nga ginahaearan it bueak, ginasindihan it kandila ag ginapangamuyuan ro andang mga panchon.
Sa pihak kara, nataeopangdan ro sangkiri nga numero it tawo kon siin ginpahayag ni Tirol nga eye opener para sa mga ulihing tubo ro baha nga nag-agi sa bilog nga probinsya it Aklan kon siin uwa nakaeampas ro mga sementeryo ag may mga panchon nga eobog gihapon sa baha.
