Dismayado si U.S. President Donald Trump sa pinaka-ulihi nga proposisyon it Iran para sa peace talks nga ginpangunahan it Pakistan.
Sa interview sa White House, ginpahayag ni Trump nga bukon it kabaton-baton ro mga ginapangayo it Tehran.
Nasayuran nga naghinyu ro Iran nga ipaiway anay ro anumang diskusyon angot sa andang nuclear program hasta nga natapos ro giyera.
Bilang kabaylo, ginproponer it Tehran ro uman nga pagbukas it Strait of Hormuz. Kaparte man it andang hinyu ro pagbo-oe sa mga economic sanction it Amerika.
Bangud kara, owa nalikawan ni Trump nga magpamaeag nga pwede sanda nga gumamit it mas mabug-at nga pwersa kun uman nga mapas-eawan ro negosasyon.
Ginpahayag pa ni Trump nga may “tremendous discord” sigon sa liderato it Iran, nga suno kana hay nagapabudlay sa pag-angkon it kasugtanan.
Sa pihak kara, nagapabilin nga bukas ro opsyon para sa diplomasya, maskin nga ginpamilit ni Trump nga haum ro Estados Unidos nga maghueag sa anumang pamaagi kun kinahangeanon.
