Nagtanyag ro Ukraine sa Russia it temporaryong ceasefire sa mga sibilyang target sa Black Sea, matapos mag-inabu ro mga pag-atake sa mga barko ag pantalan nga ginagamit sa pag-export it mga produktong agrikultural it nasyon.
Nasayuran nga ginpadaea it Kyiv ro tanyag pinaagi sa sangka third party kun sa siin nagahueat pa it sabat halin sa Moscow.
Parehong gina-akusahan it Russia ag Ukraine ro kada isaea it pag-atake sa mga barkong ginagamit sa andang mga exports.
Dugang pa nga pilang shipping companies eon ro nagalikaw nga mag-agi sa Odesa, nga ginakabig nga importanteng sentro it grain exports it Ukraine.
Samtang, napilitang suspendihon it Russia ro operasyon sa tatlong terminal sa Black Sea port it Novorossiysk matapos nga gina-alegar nga atakihon it Ukraine, nga posibleng makaapekto man sa grain exports it Moscow.
Ginpahayag man it Russian Deputy Foreign Minister nga si Alexander Grushko nga owa pa sanda it may nabaton nga pormal nga request para sa ceasefire sa Black Sea.
