Nailista sa probinsya it Cebu ro unang kaso it African swine fever (ASF) matapos ro tatlong dag-on, partikular sa Barangay Cagsing ag Calabawan sa banwa it Ginatilan.
Ginkumpirma it Cebu Provincial Veterinary Office ro ASF infection pinaagi sa opisyal nga pag-usisa.
Bangud kara, nagpatuman ro lokal nga gobyerno it hugut nga tikang agud nga mapugngan ro pagkalhit it sakit, kaibahan ro pagbawae sa pagsueod ag pagguwa it mga baboy sa mga apektadong barangay.
Temporaryong ginsuspinde man ro pagbakae, pagbaligya, pagbiyahe ag pagsaylo it mga alagang sapat sa bilog nga banwa it Ginatilan.
Nagbutang man it mga checkpoint sa mga border area, samtang ginbawae anay ro pagpasueod sa banwa it mga buhi nga baboy ag produktong baboy halin sa Negros Oriental.
