Naglunsar ro militar it Estados Unidos it mga bag-ong pag-atake sa nabagatnan nga parte it Iran.
Target it mga strike ro mga Iranian missile site ag mga baroto nga nagahana nga magplastar it mga mina sa dagat.
Sa sangka opisyal nga pahayag, ginpahayag ni US Central Command (CENTCOM) nga ginpatigayon ro mga pag-atake bilang depensa sa kaugalingon ag agud nga protektahan ro andang mga soldado kontra sa mga paeag halin sa pwersa it Iran.
Suno kay Capt. Tim Hawkins, tagapaghambae it Central Command, padayun nga pagadepensahan it militar it US ro andang mga tawuhan samtang ginapabilin ro katawhayan sa tunga it ginapatuman nga ceasefire.
Ginpamilit it opisyal nga target it mga strike ro mga lokasyon maeapit sa Bandar Abbas, sangka port city sa nabagatnan it Iran kun sa siin makit-an ro sangka mabahoe nga naval base sa Strait of Hormuz.
Sa makaron, owa pa it opisyal nga sabat ro gobyerno it Iran angot sa insidente. Bukon pa it klaru kun ano ro magiging epekto kara sa presenteng peace agreement it daywang nasyon.
Ko nagtaliwan nga weekend, ginpabutyag ni US President Donald Trump nga madali eon lang nga maabot ro sangka kasugtanan, apang ko ulihi hay ginpahayag kara nga ginmanduan nana ro mga negotiator nga indi pagmadalion ro proseso.
