Ginkumpirma ni Army Col. Manaros Boransing II sa Senate impeachment trial ni Vice President Sara Duterte nga uwa it confidential funds halin sa Department of Education (DepEd) nga gintaeana para sa waeong Youth Leadership Summits ag 53 Information Education Campaigns ku 2023.
Base sa testimonya, ginpatigayon it Philippine Army ro mga aktibidad agud malikawan ro pag-recruit sa mga kabataan it mga extremist group.
Nakipag-bueuligan man kara ro DepEd ag iba pang ahensya, apang bukon sigon naghalin sa DepEd ro pondong ginamit it Army.
Ginhambae man ni Boransing nga ro mga gaeastuson hay nag-halin sa nagkaeain-eain nga ahensya it gobyerno ag mga lokal nga gobyerno.
Apang, ginhamba nana nga indi nana masiguradao kun nag gamit ro DepEd it kaugalingon karang confidential funds para sa pagtambong sa mga nasambit nga aktibidad.
Samtang, padayon nga nagapangatubang si Duterte sa mga alegasyon it saea nga paggamit ag iregular nga liquidation it P612.5 milyon nga confidential funds, kaibahan ro P500 milyon halin sa Office of the Vice President ag P112.5 milyon halin sa DepEd.
