Ginpaboran ag ginsuportahan ni vaccine expert panel chairperson Dr. Nina Gloriani ro naging paandam it World Health Organization (WHO) sa posibleng uman nga paglobo it panibag-ong surge it COVID-19 sa nasyon pagkatapos it eleksyon.
Suno kay Gloriani, raya ro mga kahigayunan nga magatililipon ro mga tawo kung siin hay indi malikawan nga may makasalamuha ro mga raya nga carrier it virus.
Mag-euwas kara, nagpahayag man imaw it pagkabaeaka angot sa naganaba nga numero it bakunahan sa nasyon sa pihak it padayun nga kampanya it gobyerno.
Rason nga nagkaeain-eain nga pamaagi ag estratehiya eon ro ginahimo it gobyerno agud nga ma-engganyo pa ro publiko nga magpabakuna kontra sa COVID-19.
Uman nga ginpadumdom ni Gloriani ro importansya it kumpletong bakuna ag booster shot bilang dugang nga proteksyon sa eawas.
