Masadyang ginpakigbahin it veteran aktres nga si Lorna Tolentino ro pagiging Philippine Navy Reservist kara.
Sa anang social media account hay nagpost raya it mga litrato samtang nakasuk-sok it uniporme it Philippine Navy.
Makit-an sa mga litrato ro graduation ku Agosto 7 sa syudad itTaguig kainbahan ro anang unga nga si Rap Fernandez ag pilang mga pinalangga sa kabuhi.
Pila sa mga hangkat nga anang gin-agyan ro pag-ensayo sa Cavite kun siin sumakit ro anang eawas sa pagsakay sa sangka baruto.
Bumuhos man ro pagdayaw halin sa mga kaibahan nana sa showbiz ag pilang mga maeapit nga amigo.
Pila sa mga showbiz personalities nga Philippine Navy Reservist hay sanday Christopher De Leon, Dingdong Dantes, Roco Naccino, Winwyn Marquez, Carlos Yulo ag iba pa.
