Agud nga malikawan nga inde eon mauman ro pagdueogsuan it mga ginikanan ag estudyante nga gustong maka-avail it educational assistance it Department of Social Welfare and Development ukon DSWD sa idaeom it implementasyon it programang Assistance to Individuals in Crisis Situation, uwa eon ginapasugtan ro walk-in clients.
Suno kanday Rachelle Ann Asong ag Abegail Sanchez, social worker II it DSWD nga ginpakamayad it ahensya nga ipaagi eon lang sa online registration ro mga beneficiaries.
Sa adlaw it sabado, Agosto 27 ro igaproseso eamang it ahensya hay ro may mga kumpirmasyon nga ginpadaea sa andang email kon siin raya ro mga naka-fill up it form ag nakapasa it mga requirements pinaagi sa online registration.
Kapin sa 1,000 ro andang target beneficiaries ag sarang ro mga raya makaadto sa bag-ong venue sa ABL sports complex.
Tuyo kara nga mas maging sistematiko ro pagpanupod it cash assistance sa mga kwalipikadong benepisyaryo.
Para sa mga Aklanon beneficiaries hay pwede nga mag-email sa swadaklan.fo6@dswd.gov.ph.
Madumduman nga gindumog it mga gustong makabueo it educational assistance ro unang sabado it pay-out it ahensya kon siin sa ibang probinsya hay may nairekord nga nagkaealipong bangud sa mahaba nga pila ag bukon it maayos nga sistema sa pagpanupod it ayuda.
