Wax figure ni Catriona Gray, ginpasidunggan eon sa Singapore

Pormal eon nga ginpasidunggan ro wax figure ni 2018 Miss Universe Catriona Magnayon Gray it sikat nga Madame Tussauds Singapore (MTS).

Ro nasambit nga wax figure it pang-ap-at nga Pinay Miss Universe hay replica it anang “lava gown” kat maangkon ro korona ko 2018.

Kompleto raya sa pag-angkon it sash, sapatos ag accessories kapareho it aritos.

Dag-on 2020 pa dapat pagapasidunggan ro wax figure ni Gray apang napaiway bangud sa pandemya.

Unang gintukod ro wax museum sa London it French sculptor nga si Marie Tussaud ko 1835.

May una eon makaron nga kapin sa 21 nga sanga ro nasambit nga musem sa nagkaeain-eain nga parte it kalibutan.