-- ADVERTISEMENT --
Pagapanindugan sigon ni Pangueong Ferdinand Marcos Jr. ro kinamatarong it Pilipinas sa West Philippine Sea sa nakataeana nga pakikipagpueong kay Chinese President Xi Jinping.
Sa pre-departure briefing sa Malacanang, ginpahayag ni DFA Assistant Secretary for Asian and Pacific Affairs Nathaniel Imperial nga klaro ro katuyuan it pangueo nga maging matawhay ag stable ro sitwasyon sa West Philippine Sea.
Suno kay Imperial, pagatalakayon ni Pangueong Marcos ro bilog nga bilateral relations it Pilipinas sa China mapa-positibo man ukon sensitibong aspekto kaeakip ro mga aktibidad sa gina-agawan nga teritoryo.
Kadungan kara, igapadayun man suno kana it presidente ro pakikipag-istorya sa China angot sa oil ag gas exploration.
