Nag-guwa sa pinaka-ulihing Young Adult Fertility and Sexuality Study (YAFS) 2021 nga kaibahan ro Western Visayas sa mga rehiyong may pinakamataas nga numero it mga kabataang nagapanigarilyo ag naga-inom it aeak sa nasyon.
Base sa datos it Commission on Population and Development (CPD) Region 6, una sa 15.7 porsiyento it mga kabataang edad 15 hasta 24-anyos sa rehiyon ro presenteng nagapanigarilyo, nga pangaywang pinakamataas sa nasyon, samtang 32.1 porsiyento mat-a ro naga-inom it aeak, nga naga-panglima sa pinakamataas.
Bangud kara, nagpanawagan ro CPD it mas mahugot nga tikang para maunggan ro peligroso nga ueubrahon it mga kabataan, kaibahan ro pagpabaskog it health education, mahugot nga pagpatuman it regulasyon sa pagbaligya it sigarilyo ag aeak, ag mas mapag-on nga suporta halin sa pamilya ag komunidad.
Suno sa CPD, kaibahan sa mga nagapangunang rason it mataas nga numero it nagapanigarilyo ag naga-inom ro madaling access sa sigarilyo ag aeak, pati eon man ro impluwensiya it pamilya ag mga amigo.
