Sa pihak it mga kontrobersiya angot sa favoritism ukon bukon it pagiging patas ag impluwensiya, ginakabig ni US President Donald Trump ro FIFA World Cup 2026 nga pinakamanami sa tanan.
Nagserbe nga host nation ro Estados Unidos kaibahan ro Canada ag Mexico.
Sa FIFA reception sa Trump Tower sa New York, ginpahayag ni Trump nga raya ro makabig nga pinakamadinaeag-on nga sporting event sa bilog nga kalibutan.
Suno kana, nakabulig ro 104 nga mga hampang sa pagpasikat it nasambit nga sport sa Estados Unidos.
Nagtambong si Trump sa final match kun sa siin, gin-agaw it Spain ro titulo sa 2022 champions nga Argentina.
Antes nag-umpisa ro hampang, nagaeaum imaw nga pangunahan ni Lionel Messi ro kadaeag-an it Argentina apang pagkatapos mapiyerde, ginpahayag nana nga owa man imaw nasubuan.
Kaibahan si FIFA President Gianni Infantino, personal nga gintau ni Trump ro medal ag trophy sa mga nagdaog.
Insigida man nga nag-viral ro anang pagtinir sa podium samtang nagaselebrar ro 2026 champions sa pihak it matunog nga pag-boo kana.
