World leaders, maidid nga ginkondena ro Russia sa pagpatay sa masobra 400 sibilyan sa Ukraine

Eubus nga ginkakibot it maabu nga mga nasyon ro nadiskubrehan nga masobra 400 nga mga bangkay it mga sibilyan matapos nga maghalin ro mga tropa it Russia sa lugar maeapit sa kabisera it Kyiv sa Ukraine.

Sa grabeng kaakig ni Ukraine President Volodymyr Zelenskyy ag pagbisita sa lugar, gintawag nana ro mga Russian forces bilang mga “murderers, torturers and rapists” kamana man nga una sa likod it “genocide” sa anang nasyon.

Nadiskubre ro maabu nga mga bangkay sa banwa it Bucha maeapit sa kabisera nga Kyiv.

Naghugas alima man ro Russian defense ministry ag gintawag nga peke sigon ro mga imahe it mga bangkay ukon mass grave.