Sangka waste collection company sa Bitonto, Italy ro nagbulig agud nga mabawi ro sangka winning lottery ticket nga nagabalor it 1 milyon Euros ukon katumbas it masobra sa P70 million matapos raya nga aksidenteng maipilak it tag-ana sa basurahan.
Suno kay Roberto Nicola Toscano, direktor it waste collection company nga Sanb, nagbakae ro sangka owa ginpangaeanan nga residente it Bintonto it MillionDay ticket para sa draw ko Hulyo 31 gamit ro nakasanayan kara nga mga numero nga 2, 4, 8, 10 ag 51.
Gin-eaum it tag-ana nga piyerde ro ticket matapos magguwa ro mensaheng “non-payable” kat ipa-scan raya sa sangka tindahan. Ko ulihi hay nasayuran nana nga nagdaog gali ro anang mga numero.
Ginbuligan imaw it nasambit nga waste collection company nga usuyon ro garbage truck ag pasilidad nga gindaehan it basura. Matapos ro maid-id nga pag-usoy, nakit-an ro ticket nga nagapabilin nga bilog ag una pa sa maayos nga kundisyon.
