KALIBO, Aklan — Nag-abot eon sa masobra sa 1.7 milyon nga estudyante ro nakapa-enroll sa tanan nga mga pribado ag pampublikong eskwelahan sa bilog nga Western Visayas para sa school year 2024-2025.
Apang suno kay DepEd Region 6 spokesperson Hernani EscullarJr., nga manaba ro nasambit nga numero kumpara sa nai-record ko nagtaliwan nga school year nga nag-abot sa masobra sa 2-milyon.
Base sa record it Learner Information System, nakalista it maabu nga mga enrollee ro elementarya nga may 928,618 nga gin sundan it Junior High School nga may 545,222 ag Senior High School nga naga-abot sa 276,793.
Ginpahayag dugang nga may pila pang mga eskwelahan ro owa naka-report it andang enrollment data rason nga owa pa nabo-oe ro kabilugan nga numero it mga estudyante nga nakapag-enroll.
