KALIBO, Aklan—Nakataeana nga magabaton it kada buean nga honorarium nga 1,000 pesos halin sa lokal nga gobyerno it Kalibo ro mga association president it person’s with disability ukon PWD’s halin sa nagkaeain-eain nga barangay it Kalibo.
Raya hay matapos nga maging ordinansa ro resolusyon nga ginduso it sangguniang bayan it Kalibo ag gin-aprubahan ni Kalibo mayor Juris Sucro.
Tuyo sigon kara nga makilaea ro pagtinguha it mga association presidents nga mapatuman it maayos ro Magna Carta for the Disabled Persons.
Ro nasambit nga ordinansa nga may titulo nga “An Ordinance Granting A One Thousand Pesos (P1,000) Monthly Allowance to the PWD Barangay President of the Persons With Disability Barangay Association in the Municipality of Kalibo” hay gin-daea eon sa sangguniang panlalawigan nga insigida man nga gin aprubahan matapos nga gintalakay it Committee on Senior Citizens, Persons with Disability and Indigenous People.
