KALIBO, Aklan—Kanya-kanyang pabonggahan it desinyo ro 11 ka mga banwa sa pagpasakop sa higante contest and parade makaron nga hapon nga sambilog sa mga ginabantayan nga aktibidad sa weeklong celebration it Kalibo Sr. Sto. Niño Ati-Atihan Festival 2023.
Raya hay ginakaeakipan it banwa it Balete, Banga, Batan, Ibajay, Kalibo, Makato, Malinao, Nabas, New Washington, Numancia ag Tangalan.
Ro nasambit nga aktibidad hay nag-umpisa bandang ala-una it hapon kun sa siin ro parade hay naghalin sa ABL Sports and Cultural Complex paadto sa Pastrana park.
Ro tema makaron nga festival hay Tribal Ati bilang pagbalik sa face to face it ginakabig nga Mother of All Philippine Festival.
Raya hay gina-sponsored it provincial government kon sa siin ro 1st prize winner hay magabaton it P100,000 pesos; ro 2nd prize winner hay makaangkon it P85,000 pesos; 3rd prize winner P70,000 pesos; 4th place P65,000 pesos; 5th place P60,000 pesos ag kapin sa P50,000 pesos ro consolation prize.
Ro dag-unan nga higante contest and parade hay napaiway man it kapin sa daywang dag-on bangud sa pandemya.
Ro ginakaeangkagan nga pagbalik it “in person” nga Ati-atihan festival hay gindagsa it maabong tawo makaron nga dag-on.
