Vancouver, Canada — Inde magnaba sa onse katawo ro kumpirmadong namatay matapos sagasaan it sangka saeakyan ro crowd sa Lapu Lapu Festival sa Vancouver, Canada.
Mag-eowas kara, maabo man ro naninahan nga idto makaron sa ospital padayon nga ginabueong.
Gin-aresto ro sangka 30-anyos nga eaeaki nga ginapatihan nga nagmaneho it saeakyan nga sumunggab sa mga tawo.
Samtang, ginpasiguro it mga awtoridad nga uwa raya ginakabig nga terorismo.
Suno kay Vancouver Police Interim Chief Steve Rai, sangka saeakyan ag sangka suspek eamang ro imbolbado kon sa siin padayon pa nanda nga ginaimbestigahan ro insidente.
Nasayuran nga natabo ro insidente sa East 43rd Avenue ag Fraser Street sa dag-unan nga selebrasyon it Filipino culture nga nag-umpisa ko 2023.
Sa pihak kara, nagpaabot it pakikisimpatiya si Canadian Prime Minister Mark Carney sa mga naulila ag naninahan eabi eon sa Filipino Canadian community.
