Arestado sa Bangkok, Thailand ro sangka 51-anyos nga eaeaki matapos akusahang nagsueod sa fish pond it andang kaeapitbaeay ag gin-bembang ro sangka koi fish.
Ginkilaea ro suspek nga si Sutthichai “Tong” Boonlert. Base sa report, nakita imaw sa CCTV nga nagsueod sa pribadong fish pond ko Setyembre 7, naghdakop it mga koi ag ko ulihi hay gina-alegar nga gin-abusuhan ro sambiloh sa mga raya bago ginbalik sa pond.
Nadakpan sigon raya it housekeeper ag tag-ana it mga koi nga si Bobby Anong, apang nakaeagyo sakay it bisikleta. Ko ulihi hay naaresto man imaw matapos magpasaka it reklamo sa Thung Song Hong Police Station.
Sa anang panaysayon, ginpahayag ni Tong nga nagsueod imaw sa pond para maghugas, apang kat paeapitan sigon imaw it koi hay gulpi nana raya nga gin-obrahan it bastos nga hilimuon.
