POLICE Report — Ginadudahan nga ginhimuslan antes nga pinatay ro sangka 13-anyos nga babayeng estudyante nga nasapwan sa sueod it sangka chapel sa Barangay Hipusngo, Baybay City, Leyte, agahon it Lunes.
Ginkiaea ro biktimang si alyas Mary Jane, Grade 7 student, it Baybay City National High School ag miyembro it sangka religious youth organization.
Suno sa report, bandang alas-8:00 it agahon kat madiskubrehan ro biktima nga owa it anuman nga suksok nga pang-ubos sa idaeum it altar it Sto. Niño Chapel.
Sa pag-usisa kara, natukiban nga may mga nina imaw sa uyahon ag tiyan ag maskin sa sensitibong parte it anang eawas.
Domingo it hapon pa kat napabalita nga naduea ro dalagita matapos nga aywan raya it anang ama nga naga-isaeahanon sa andang baeay ag nag-agto sa city proper it Baybay.
Owa eon raya nakita pag-uli it anang ama.
Ginakabig nga suspek sa krimen ro caretaker it chapel nga imaw eamang sigon ro may yabe at nakakasueod sa kapilya kon raya hay naka-kandado.
Gina-usoy eon raya it mga awtoridad.
Ginahueat pa ro resulta it ginhimo nga pag-examine sa bangkay it biktima.
Partikular nga ginatumod kon ano ro ginkamatay it dalagita.
