Nagkalipay ro kapin sa 50 pamilya it Extra Judicial Killings (EJKs) victims nga nagtililipon sa University of the Philippines Diliman matapos mabatian ro desisyon it Appeals Chamber nga nagabasura sa mosyon it kampo it mga Duterte nga nagakwestyon sa hurisdiksyon it International Criminal Court (ICC) sa crime against humanity.
Dueueungan nanda nga gintan-aw ro live stream it desisyon nga ginbutang sa sueod it Atencio-Libunao hall.
Ginpangunahan it grupong Duterte Panagutin Movement ro aktibidad.
Suno kay Jane Lee, grabe ro andang kakoeba samtang nagabantay sa desisyon apang nabayluhan raya it kalipay kat pumabor kanda ro desisyon .
Suno man kay Joel Ejorcadas, may halong kalipay ag kasubo ro anang nabatyagan.
Kalipay bangud sa andang pagmadinaeag-on apang may kasubo man bangud nga bukon it sa korte it Pilipinas ginabita si dating Pangueong Rodrigo Duterte.
