Patay ro kapin sa masobra 151 katawo samtang 150 man ro nalistang mga indibidwal nga ninahan sa nag-eontad nga stampede sa sangka Halloween party sa Seoul, South Korea.
Suno kay Bombo International Correspondent Yumi Kim it South Korea nga ro nasambit nga stampede maeapit sa Hamilton Hotel sa may nightlife district it Itaewon bandang alas-10:00 it gabi-e ko nagtaliwan nga Sabado matapos nga nagpamilit nga makasueod ro mabahoe nga numero it mga tawo sa sangka maikit nga eskinita rason para masakitan ro maabong indbidwal ag ginkamatay man it masobra sa 146 katawo.
Gilayon man nga nagpadaea it masobra 140 mga ambulansya sa lugar kung siin natabo ro insidente ro mga natungdan para sa madalian nga pagdaea sa ospital it mga ninahan nga indibidwal.
Nasayuran nga matapos ro masobrang daywang dag-on nga pagpapundo sa nasambit nga halloween party bangud sa pandemya hay ginhiwat uman ro nasambit nga kasadayahan.
Ginpartisiparan man raya it ginabuebanta sa kapin 10,000 ka mga indibidwal.
Samtang, temporaryong pagahalinon anay sa kaeapit nga gym ro mga bangkay it mga namatay nga biktima para sa andang mga pagkakilaean-an
