Sangka kasae sa tunga it daywang paka ro ginpatigayon sa Uttar Pradesh sa India sa pagpati nga raya hay magadaea it mas mabaskog nga mga pag-uean.
Sangka grupo it mga residente sa banwa it Gorakhpur ro nag-organisa it kasae it daywang paka agud nga magpundo eon ro tigmaeaea ag maging temprano ro pag-abot it tag-uean.
Natabu ro kasaean sa Kalibari Temple ag kaabuan sa mga residente it Gorakhpur ro nagtambong.
Nagpamati ro tanan sa mga mantra ag shlokas nga gin-mitlang it mga monghe nga nagkasae sa daywang paka.
Suno sa nag-organisa it kasae nga si Ramakant Verma, sangka epektibong ritwal ro pagpakasae sa daywang paka agud nga malipay ro rain god nga si Lord Indra.
Suno pa kana nga ko ulihing beses nga nagkasae sanda it paka, pilang dag-on eon ro nagtaliwan, sobrang nagbaskog ro buhos it uean kato rason nga gin-diborsyo nanda ro mga paka.
