22 Bilog nga mga delegante it Pilipinas ro nag eahok ag maga representar sa Paris Olympics 2024. Ro nasambitan 22 nga mga delegante hay naga eahok sa 9 nga ka sports raya hay do athletics, boxing, fencing, gymnastics, golf, judo, rowing, swimming, ag weightlifting sa world’s grandest sporting stage.
Gin kilaea raya kanday EJ Obiena nga pambato it Pilipinas sa athletics, pole vault, Lauren Hoffman para sa athletics 400m hurdles, John Cabang Tolentino, athletics 110m Hurdles, 5 ka representante sa hampang nga boxing ag gin kilaea kanday Carlo Paalam, Nesthy Petecio, Eumir Marcial, Hergie Bacyadan ag Aira Villegas.
Samtang ro mga representante sa gymnastics hay sanday Carlos Yulo, Emma Malabuyo, Aleah Finnegan, ag Levi Ruivar. Apang ro sa golf hay sandayt Bianca Pagdanganan ag Dottie Ardina, sa Fencing hay si Samanthan Catantan. Ro Judo nga sport hay kay Kiyomi Watanabe ag daywa man ka representante sa Swimming nga ginkilaea kanday Jarod Hatch ag Kayla Noelle Sanchez.
Sa rowning sports hay si Joanie Delgado ag ro tatlo ka delegante sa weightlifting hay ginkilaea kanday Elreen Ando, John Ceniza, ag Vanessa Sarno. Kon madumduman nangin bantog ro Pilipinas sa kat naka angkon it kauna unahang gold medalist sa weightlifting si Hidilyn Diaz.
