Nataeopangdan ro tatlong barko it China Coast Guard (CCG) sa Bajo de Masinloc samtang ginabantayan it Philippine Coast Guard (PCG) ro mga mangingisdang Pilipino nga nagapangita sa lugar.
Suno sa PCG, nagpadaea sanda it 3 barko ag sangka aircraft umpisa ko Enero 26 para magtao it suporta sa masobra 40 filipino fishing vessels halin Zambales, Bataan, Pangasinan ag Mindoro.
Sa kasagsagan it misyon, naidokumento it Coast Guard ro presensiya it mga barko it CCG bangud sa bukon raya it naging sab-eag sa operasyon it mga mangingisdang Pilipino sa lugar ag ginpadayon ro andang kinamatarong nga makapangisda.
Ginpunto it PCG nga uwa nagakahakat ro posisyon kara sa pagprotekta sa mga mangingisdang Pilipino ag pag-insister sa sovereign rights it aton nga nasyon sa ginapag-agawang kaeawran.
Samtang suno sa PCG, nakabaton ro mga mangingisdang Pilipino it fuel subsidies, freshwater, yelo ag food packs para masustine ro andang fishing activities.
