Direktang nagapanawagan si World Health Organization (WHO) Director-General Tedros Adhanom Ghebreyesus sa mga residente it Tenerife, Spain nga magpabilin nga kalmado angot sa pag-abot it cruise ship nga MV Hondius nga may kaso it hantavirus.
Sa anang mensahe, ginpahayag ni Tedros nga indi dapat ikumpara ro hantavirus sa sitwasyon it COVID-19 pandemic bangud nga manaba eamang ro peligro kara sa publiko.
Aminado imaw nga seryoso ro Andes strain it hantavirus matapos mamatay ro tatlong pasahero, apang anang ginpasiguro nga owa eon it may nagapakita it sintomas sa mga sakay makaron it barko.
Ginpaathag ni Tedros nga maayos ro plano it Spain sa pagbakwit it mga pasahero kun sa siin pagadaehon ro mga raya sa industrial port it Granadilla ag direktang iga-uli sa andang natungdan nga mga nasyon pagkatapos it quarantine.
Ginpasaeamatan man nana ro Spain ag ro mga residente it Tenerife sa pagbaton sa barko bilang kaparte it international cooperation.
Suno sa WHO Director, personal imaw nga nag-agto sa Tenerife agud nga bantayan ro operasyon ag magpasaeamat sa ginpakitang malasakit ag pagbuylog it mga residente ag otoridad sa lugar.
