Igapatigayon it Bureau of Internal Revenue (BIR) sa Hunyo 29 ro public auction it ap-at nga maeahaeon nga saeakyan nga ginapanag-iyaha it mag-asawang Discaya.
Pagahiwaton ro subasta sa BIR National Office sa Quezon City, kun siin kaibahan sa mga igapaguwa ro Mercedes-Benz Sprinter 2017, Range Rover LWT 2019, Land Rover Defender 130S 2023, ag Mercedes-Benz GLS 350D AMG 2020, nga may kabilugang haega it ₱26.14 milyon.
Suno sa BIR, tuyo it tikang nga mapadasig ro koleksyon it buwis ag malikawan ro padayon nga pagnaba it haega it mga nakumpiskang saeakyan samtang una sa kustodiya it gobyerno.
Madumdumang nauna eon nga na-auction ro pilang yunit it mga Discaya, nga nagresulta sa ₱102 milyon nga gin-pasa sa Bureau of the Treasury.
Naaresto ro mag-asawang Pacifico ag Cezarah “Sarah” Discaya angot it anomalya sigon sa mga flood control projects it Department of Public Works and Highways (DPWH).
