KALIBO, Aklan—Dismayado ro sangka 42-anyos nga mister nga si Ronel Viray it Brgy. Estancia, Kalibo matapos nga napas-eawan nga mapasakaan it kaso ro anang misis nga si Michelle Viray, 39-anyos bangud sa kakueangan it ebidensya.
Base sa report, kueang ro ebidensya it mister agud nga mapamatud-an nga nag-eoib ro anang asawa matapos nga naaktuhan sigon nana nga nakikipaghieawas ro anang misis sa ginasugid kara nga kalaguyo nga si Philip Yeban.
Sa pihak kara, nagpanindugan si Michelle nga inde eon imaw makipagbalikan kay Ronel ag hugot man nga ginpamalibaran ro pakikipagrelasyon sigon kara sa ginasugid nga kalaguyo.
Maskin ro anang mga onga hay ginkondina ro anang ginhimo matapos nga haeos sang dag-on eon nga ginabati-bati nga naga-eoib raya sa andang ama.
